नेपालको यू–१९ राष्ट्रिय क्रिकेट टिम मलेसिया प्रस्थान

नेपालको यू–१९ राष्ट्रिय क्रिकेट टिम आज मलेसिया प्रस्थान गरेको छ । अक्टोबर १२ देखी २४ सम्म मलेसियामा हुने प्रतियोगिता खेल्न जाने टोलीलाई राट्रिय खेलकुद परिषद् राखेप सहितको टोलीले खेलाडीलाई सोमबार विदाइ गरेको थियो । विदाइ कार्यक्रममा नेपाली यु–१९ क्रिकेट टोलीका प्रशिक्षक जगत टमाटा र क्यानका सचिव पारस खड्काले टोली एसिसी यु–१९ एसिया कपका लागि छनोट हुनेमा आफु विश्वस्त रहेको बताए ।
विदाइ कार्यक्रममा नेपाली क्रिकेट टिमका कप्तान देव खनालले टोलीले उपाधि जित्ने लक्ष्यका साथ प्रतिस्पर्धा गर्ने बताए । 
१६ एसोसिएट टोली सहभागी प्रतियोगिताका शीर्ष ३ टोली एसिसी यु–१९ एसिया कपका लागि छनोट हुनेछन् । समूह ‘ए’ मा नेपाल, बहराइन, साउदी अरेविया र इरान, समूह ‘बी मा युएई, ओमान, कतार र चीन छन् । यसैगरी समूह ‘सी’ मा सिंगापुर, कुवेत, थाइल्यान्ड र माल्दिभ्स, समूह ‘डी’ मा हङकङ, मलेसिया, जापान र इन्डोनेसिया छन् ।