ज्यान मारेर जेल परेका १७० जनालाई सरकारद्धारा माफी, १३४ लाई नियम मिचेर माफी

सरकारले यो बर्ष ज्यान मारेको अभियोगमा जेल परेका १ सय ७० जनालाई आममाफी दिएको खुलेको छ । रिगल भनिने गुन्डा नाइके योगराज ढकालको १२ वर्ष कैद माफी गरेको घटनासँगै सरकारले कानुनी राजको धज्जी उडाउदै करिव दुई सयजनालाई माफी दिएको खुलेको हो । सरकारले असोज ३ मा ६ सय ७० जना कैदीलाई आममाफी दिने निर्णय गरेको थियो । तिमध्ये आममाफी पाउने १ सय ३४ ले आधा पनि सजाय भुक्तान नगरेको देखिएको तथ्यांकले देखाएको छ । उनीहरुले ४० प्रतिशत मात्रै सजाय भुक्तान गरेको र बाँकी ३७ जनाको सजाय ५० प्रतिशत मात्र पूरा भएको देखिएको छ।  त्यस्तै ज्यान मार्न खोजेको अभियोगमा जेल परेका ३५ जनाले पनि जेलबाट मुक्ति पाएका छन  । यीमध्ये २७ जनाले ६० प्रतिशत र ८ जनाले ५० प्रतिशत जेल सजाय भुक्तान गर्न बाँकी रहेको देखिएको छ ।  बहुविवाहमा जेल परेका ७८ जनालाई पनि सरकारले सजाय माफी दिएको छ । अवैध रूपमा जनावर मारी तस्करी गरेको अभियोगका ३५ जना, हातहतियार खरखजानाका १२ जना र चोरी डाँका मुद्दा सावित भएका १ सय ३८ जनाले सरकारबाट माफी पाएको गृहको तथ्यांकले देखाएको छ ।  साथै सवारी दुर्घटनामा जानाजान ज्यान मारेको अभियोगमा जेल परेका १ सय ४९ जना पनि जेलमुक्त भएका छन । कुटपिट गरी अंगभंग गरिदिएको अभियोग सावित भएका १४ जनाले पनि सजाय मिनाहा पाएका छन । साथै लागूऔषधका ३ जनालाई रिहा गरिएको छरु।
सरकारले हरेक वर्ष संविधान दिवस, गणतन्त्र दिवस र प्रजातन्त्र दिवसको दिनलाई उत्सवका रुपमा लिँदै आचरण सुध्रिएको भन्दै कैदीबन्दीलाई आममाफी दिदै आएको छ । पछिल्लो पाँच वर्षमा ६ हजार ६११ कैदीले माफी पाएको तथ्यांकले देखाएको छ ।।