बिरोधीहरु एमालेसँग लड्न सकेनन्: ओली

नेकपा एमालेका अध्यक्ष केपी ओलीले बिरोधीहरु एमालेसँग लड्न नसकेको बताएका छन् । बिहीवार पार्टी कार्यालय च्यासलमा एमाले वागमती प्रदेशको शपथग्रहण तथा कार्यभार हस्तान्रतण समारोहमा अध्यक्ष ओलीले आफूले बुधवार संसदमा बोलेको कुरालाई लिएर विपक्षीहरुको मन भत्भति पोलिरहेको बताएका हुन् । उनले गिरिबन्धु टि स्टेटको छानबिन गर्न सरकारलाई चुनौति समेत दिए । कुनै पनि प्रकरणको छानबिन गर्दा सत्तापक्षकै नेताहरु मुछिने दाबी समेत उनले गरे ।
अध्यक्ष ओलीले ललिता निवास प्रकरणमा एमालेलाई मुछ्न भनेर लागि परेपनि आफैँ परेपछि घटना सेलाएको टिप्पणी समेत गरे ।