झापामा विद्यार्थीलाई ट्राफिक नियम पालनाका कुरा धमाधम सिकाइँदै

काठमाडौं । जिल्ला ट्राफिक प्रहरी कार्यालय झापाले विद्यार्थीलाई ट्राफिक नियम पालनाका कुरा धमाधम सिकाउन थालेको छ ।

विद्यालयमै पुगेर तथा कार्यालयमै पनि विद्यार्थीलाई ट्राफिक नियमका बारेमा प्रहरीले जानकारी तथा सचेत गराउने काम गरिरहेको हो ।

विद्यार्थीलाई ट्राफिक नियमअन्तर्गत सडक, सडक चिह्न प्रयोग, सवारीसाधनको प्रयोग गर्ने तरिकाको विषयमा ट्राफिक प्रहरीले जानकारी दिने गरेका छन ।  

विद्यालय जाने र विद्यालयबाट फर्किने समयमा जेब्राक्रसिङमै केहीबेर विद्यार्थी रोकेर ट्राफिक नियम पालनासँगै सडक पार गर्दा ध्यान दिनुपर्ने कुरा सिकाउने गरिएको छ ।

ट्राफिक नियम पालनाका कुरामा ध्यान नदिँदा विभिन्न खालका दुर्घटना हुने गरेको प्रहरीले विद्यार्थीलाई अबगत गराएको हो ।

ट्राफिक नियमको अभावमा साना विद्यार्थीले अकालमै ज्यान गुमाउन नपरोस्, कुनै पनि दुर्घटनामा नपरुन् भन्ने उद्देश्यले सैदान्तिक र व्यवहारिक ज्ञान सिकाइएको ट्राफिकको भनाइ छ ।