पूर्वराजा शाहद्वारा बझाङ भुकम्पप्रति दुःख व्यक्त

पूर्वराजा ज्ञानेन्द्र शाहले बझाङमा गएको भूकम्पले पूर्याएको क्षति र जनतमा परेको असर प्रति दुःख व्यक्त गरेका छन् । आज एक विज्ञप्ति जारी गरि बझाङ केन्द्र विन्दू बनाएर आएको शक्तिशाली भूकम्पका कारण सुदुर पश्चिम क्षेत्रका विभिन्न जिल्लामा ठूलो क्षति पुगेको र जनसाधरणमा त्रासको अवस्था सृजना भएको सुन्दा दुख लागेको विज्ञप्तिमा उल्लेख छ । पूर्व राजा शाहले ठूलो भूकम्प पछि उत्पन्न परकम्पको क्रम चलिरहेकोले सर्तकता अपनाउन आग्रह गरेका छन् । भूकम्पबाट घाइते भएकाहरुको शिघ्र उपचार तथा क्षतिबाट प्रभावितलाई राहत र निर्माणमा तत्काल ध्यान दिन सम्बन्धित सबैलाई आग्रह गरिएको विज्ञप्तिमा उल्लेख छ  ।