कफ्र्यू लागेपछि नेपालगन्जको अवस्था सामान्य बन्दै

Avenues

असोज १७, २०८० बुधबार

बाँकेको नेपालगन्जमा हिजो मंगलबारदेखिको कर्फ्यू आज पनि जारी छ । निश्चितकालीन कर्फ्युको घोषणा गरिएको नेपालगन्जको अवस्था सामान्य बन्दै गएको छ । कर्फ्युका कारण मानिस अत्यावश्यक कामबाहेक घरबाहिर निस्किएका छैनन् । दुई समूदायबीच तनाव बढ्दै गएपछि मंगलबार दिउँसोदेखि जिल्ला प्रशासन कार्यालयले कर्फ्यु लगाएको थियो । नेपालगन्जमा केही दिन यता बढेको धार्मिक तनावलाई मध्यनजर गरी बिहान सद्भाव ¥याली निकालिएको थियो । तर, ¥यालीमा शक्ति प्रदर्शनसहित टायर बालिएपछि भीड नियन्त्रणबाहिर गएको हो । अवस्था जटिल नहोस् भनेर प्रशासनले मंगलबारदेखि कर्फ्यु लगाएको छ । नेपालगन्ज नगरसँग जोडिएको पूर्वमा राप्ती नदी पुल, पश्चिममा खजुरा रोड इन्द्रपुर जाने बाटो, उत्तरमा राझा चोक र दक्षिणमा जमुनाहा नाका क्षेत्रमा कर्फ्यु लागू गरिएस्को छ । ति स्थानमा स्थानीय प्रशासनले कुनै पनि भेला, सभा समारोह, जुलुस, ¥याली, हुलहुज्जत र अत्यावश्यक काममा बाहेक हिँडडुलमा रोक लगाएको छ । जिल्ला प्रशासन कार्यालय बाँकेले धार्मिक आस्थामा आँच पुर्याउने, धार्मिक विद्वेष फैलाउने जस्ता गतिविधि नगर्न र सामाजिक सन्जालमा पनि एकअर्काविरुद्ध जथाभावी नलेख्न भनेको छ । मंगलबार भएको झडपमा तीनजना सुरक्षाकर्मी र १३ जना घाइते भएको जिल्ला प्रशासन कार्यालय बाँकेले जनाएको छ । घाइतेहरुको स्थानीय अस्पतालमा उपचार भइरहेको छ । नेपालगन्जमा एक युवाको फेसबुक स्टाटसको विषयलाई लिएर विवाद बढ्दै गएपछि दुई समूहविच विवाद उत्पन्न भएको थियो ।