चिसो र शितलहरका कारण मधेसको जनजीवन प्रभावित

जनकपुर । विगत तीन दिन यता बढेको अत्याधिक चिसो र शितलहरका कारण जनकपुरधाम सहित मधेसको जनजीवन प्रभावित बनेको छ । 

गत सोमबार देखि दिउँसो घाम लागेको भएपनि मंगलबार देखि एकाएक चलेको चिसो हावा र बिहीबार राति शितको वर्षा भएपछि मधेसमा अत्याधिक चिसो महशुस गरिएको हो । विगत तीन दिन देखि घाम लागेको छैन । साथै शितलहर र सितको वर्षा पनि भइरहेको छ । 

अत्याधिक चिसो र घाम अभावका कारण जनजीवन कष्टकर बनेको छ  । दैनिक ज्याला, मजदुरी गर्नेहरु मारमा परेका छन् । मधेसको जनजीवन १० बजे बिहान सम्म ठप्प हुने गरेको छ । चिसो बाट गरिब विपन्नहरुलाई धेरै समस्या भएको छ । स्थानियहरुले आगो तापेर तथा पराल बालेर चिसो छल्ने गरेका छन् । 

मधेशमा जारी शितलहर र चिसो हावा अझै केही दिन सम्म रहने अनुमान गरिएको छ ।