व्यवस्थालाई दोष दिने बेला भएको छैनः मन्त्री गुरुङ

शहरी विकासमन्त्री सीता गुरुङले व्यवस्थालाई दोष दिने बेला नभएको बताएकी छिन । आज ललितपुरमा बसोवास दिवसको अवसरमा आयोजित कार्यक्रममा उनले कानूनी रुपमा, संवैधानिक रुपमा संघीयता प्राप्त गरेपनि अहिले व्यवहारिक रुपमा कार्यान्वयन गर्न नसकेको स्वीकार गरेकी हुन ।  मन्त्री गुरुङले झन्डै ४० वटा संघीय कानून बनाइसकेपछि अहिले भएका समस्या समाधान हुने दाबी गरिन । 
मन्त्री गुरुङले कार्यान्वयनकै चरणमा सबैकुरा भएन भन्ने हो भने गलत हुने पनि स्पष्ट पारिन । मन्त्री गुरुङले स्मार्ट सिटी, सुरक्षित नागरिक आवास, एकीकृत बस्ती विकासको योजना अघि सारेपनि कार्यान्वयन लैजान नसकिएको स्वीकार गरिन ।  स्मार्ट सिटी, सुरक्षित नागरिक आवास, एकीकृत बस्ती विकासको योजना अघि बढाउन बजेट पर्याप्त नभएको उनको गुनासो छ । मन्त्री गुरुङले बनेका शहरलाई व्यवस्थित गर्ने र बन्ने शहरको संरचनाबारे पहिल्यै ध्यान दिनुपर्ने आवश्यकता औल्याइन । शहर व्यवस्थित गर्नका लागि शहरी विकास नीति आवश्यक रहेको उनको भनाइ थियो ।