मोरङको गेउरीया पुल निर्माण कार्य सुरु

मोरङको रंगेली कानेपोखरी सडक खन्ड अन्तर्गत कानेपोखरी गाउँ पालिका २ स्थित गेउरीया पुल को निर्माण कार्य सुरु भएको ११ बर्ष पछि पुलको ढलान भएको छ । तर ढलान भएको तीन महिना बितिसक्दा समेत पुलको दायाँ बायाँको काम सम्पन्न नहुदा आवतजावतमा थप समस्या परेको छ । २०७१ सालमा फिचर एन्ड सराउद्धिन जेवि ले १५ मिटर लम्बाई पुल निर्माण गर्ने १ करोड १८ लाख रुपैयाँ मा पुल निर्माणकार्य का लागि ठेक्का पाएको थियोे । निर्माण कम्पनी प्रमुख सराउद्घिन अनसारी का अनुसार चैत्र महिना सम्म पुल को सम्पुर्ण काम सम्पन्न गर्ने र बैशाख महिना देखि सो पुल बाट आवत जावत हुने बताए पनि ५ महिना बितिसक्दा समेत कुनै सुरसार देखिएको छैन । दैनिक रुपमा उक्त सडकबाट सयौं सवारीसाधन आवतजावत गर्ने भएकाले स्थानीय खुसी थिए । तर अहिले पुलको निर्माणकार्य सम्पन्न नहुँदा निरास भएका छन् ।