शेयर मार्केटलाई स्वस्थकर बनाउन जरुरी छ: अर्थमन्त्री महत

अर्थमन्त्री डा. प्रकाशशरण महतले शेयर मार्केटलाई स्वस्थकर बनाउन जरुरी रहेको बताएका छन । ललितपुरमा आयोजित विश्व लगानी कर्ता सप्ताह २०२३ उद्घाटन कार्यक्रमलाई सम्बोधन गर्दै उनले लगानी कर्ताको लगानी सुरक्षित गर्नुपर्ने कुरा सबैभन्दा चुनौति र जरुरी रहेको बताएका हुन । मन्त्री महतले अहिले शेयर मार्केट तल झर्नुमा अनुगमन र सुक्ष्म व्यवस्थापनका केही समस्याहरु रहेको उल्लेख गरे । 
मन्त्री महतले बिस्तारै शेयर बजार बढ्दै जाने दाबी गरे । उनले शेयर बजारमा रहेको समस्या समाधानका लागि चाँडै नै समाधानका उपाय खोज्ने र साना वचत कर्ताहरुको लगानी सुरक्षित गरेर जानुपर्ने आवश्यकता मन्त्री महतले औल्याए । उनले लगानी सुरक्षित गर्ने कुरामा कतिपय बेलामा इन्साइडर ट्रेडिङका कुराहरु आउने र सूचना लिक हुने प्रवृत्तिहरु देखिएको भन्दै यसलाई निर्णायक हिसावले दायरामा ल्याउनुपर्ने बताए ।