सुन तस्करी छानविन आयोगद्वारा आजवाट काम सुरु

सुन तस्करीवारे छानविन गर्न सरकारले गठन गरेको उच्चस्तरीय आयोगले आजवाट काम सुरु गरेको छ । सुन तस्करी छानबिन गरी सुझावसहितको प्रतिवेदन बुझाउने कार्यादेश पाएको आयोगले काम थालेको छ । विदेशबाट विद्युतीय सिगरेटमा राखी ल्याइएको सुन, साउन २ गते ब्रेक–सुमा राखेर ल्याइएको सुनलगायत पटकपटक भएका तस्करीका विषयमा सरकारका विभिन्न निकायबाट भएका छानबिनसमेतको अध्ययन, तस्करीका प्रकृति, सुनको परिमाण, अपराधको दायरा र त्यस कार्यमा संलग्न व्यक्तिका सम्बन्धमा थप अनुसन्धान आयोगले थालेको हो । आयोगले सरकारले सुन तस्करीमा संलग्न देखिएका तर अनुसन्धानको दायरामा नल्याइएका नेकपा माओवादी केन्द्रका नेताहरूमाथि अनुसन्धान गर्ने बताइएको छ । उच्च अदालतका पूर्वन्यायाधीश डिल्लीराम आचार्यको संयोजकत्वमा चार सदस्यीय आयोग गठन हिजो सरकारले गठन गरेको थियो । आयोगमा अर्थ मन्त्रालयका सहसचिव किशोरजंग कार्की, गृह मन्त्रालयका उपसचिव प्रेमराज जोशी र पूर्वएआइजी सहकुल थापा सदस्य छन ।