संसदीय समितिले दिएका निर्देशन कार्यान्वनयमा सरकारद्वारा अटेर

अर्थ समिति सभापति सन्तोष चालिसेले अर्थसमितिले सरकारलाई दिएका ८० प्रतिशत निर्देशन कार्यान्वयन नभएको बताएका छन । आज समितिको बैठकमा उनले बैठकको भत्ता मात्रै लिनको लागि बैठक बसेर निर्देशन दिने तर सरकारले कार्यान्वयन नगर्दा नकारात्मक सन्देश गएको बताएका हुन । सभापति चालिसेले समितिले अहिलेसम्म दिएका निर्देशन पालना नभएको र सरकारले गरेका निर्णय कार्यान्वयनको विषयमा समितिले व्यापक छलफल तथा अनुगमन गर्नुपर्ने आवश्यकता औल्याए । 
सभापति चालिसेले भन्सार कार्यालयहरुमा सामान आयात गरेर भन्सारमा नै थन्काउने र आयातकर्ता सम्पर्कमा नपाउदाँ भन्सारमा अर्बाैंको सामान थन्किएर बसेको विषयमा समेत सरकारको ध्यानाकर्षण गराएका छन । भन्सारमा ठूलो रकमको राजश्व गुम्दा समेत सरकार मौन बसेको उनको गुनासो छ ।