कार्यस्थलमा सुरक्षाको माग गर्दै स्वास्थ्यकर्मीद्वारा आज पनि प्रदर्शन

काठमाडौं । चिकित्सकमाथि बारम्बार आक्रमण भएको भन्दै चिकित्सकहरुले आज पनि काठमाडौंमा प्रदर्शन गरेका छन । मणिपाल शिक्षण अस्पताल लगायतका स्थानमा चिकित्सकमाथि भएका आक्रमणको बिरोध गर्दै चिकित्सकहरुले आज पनि माईतीघर मण्डलामा बिरोध प्रदर्शन गरेका हुन् । आन्दोलनरत चिकित्सकहरुले सरकारले सहमति गरेर मात्रै नपुग्ने भन्दै तत्काल पक्राउ गरेर कारबाही गर्नुपर्ने बताउँदै आएका छन । दोषीलाई संरक्षण र चिकित्सकमाथि बारम्बार आक्रमण हुँदा समेत राज्य मुकदर्शक बनेको भन्दै चिकित्सक आक्रोशित छन् । स्वास्थ्यकर्मीमाथि श्रृंखलावद्ध आक्रमण भएपछि सुरक्षाको माग गर्दै चिकित्सकहरु तीन दिनदेखि आन्दोलनमा उत्रिएका हुन् । प्रदर्शनमा सहभागी चिकित्सकहरुले वास्थ्यकर्मी तथा स्वास्थ्य संस्थाको सुरक्षासम्बन्धी पहिलो संशोधन ऐन, २०७९ अविलम्व कार्यान्वयनको माग राख्दै आएका छन् ।