मलंगवामा कफ्र्यू खुकुलो बनाएपनि जनजीवन अझै प्रभावित

सर्लाहीको मलंगवामा बिहीबार रातिदेखि लगाइएको कफ्र्यू खुकुलो बनाएपनि जनजीवन अझै सामान्य हुन सकेको छैन । बिहानदेखि बेलुकासम्म कर्फ्यु खुला गरिएपनि राति भने कायमै राखिएकाले स्थानीयको दैनिकी सामान्य हुन सकेको छैन । सामाजिक संजालको दुरुपयोग गरेर सामाजिक सद्भाव भड्काउने किसिमका अफवाह फैल्याइएको भन्दै स्थानीयले सामाजिक सदभाव कायम हुनुपर्नेमा जोड दिएका छन । 
असोज ४ गते गणेशको मूर्ति बिसर्जन गर्ने क्रममा दुई समुदायबीच झडप भएपछि प्रशासनले अनिश्चितकालिन कफ्र्यू लगाएको थियो । अहिले दिउसो कफ्र्यू हटाएपनि नगर क्षेत्रभित्र कुनै किसिमको भेला, जुलुस, बैठक वा प्रदर्शनमा रोक लगाईएको छ ।  सामाजिक संजालको दुरुपयोग गरेर सामाजिक सद्भाव भड्काउने किसिमका अफवाह फैलाउनलाई साइवर अपराधमा कारबाहीको तयारी गरिएको छ ।