वुमेन्स नेसन्स कपको खेल तालिका सार्वजनिक,नेपालले किर्गिस्तानसँग खेल्ने

काठमाडौं । नेपालले किर्गिस्तानसँग खेल्दै घरेलु मैदानमा वुमेन्स फर नेसन्स कपको सुरुआत गर्ने भएको छ । 

अखिल नेपाल फुटबल संघ एन्फाका अनुसार नेपालले फागुन ४ गते त्रिपुरेश्वरस्थित दशरथ रंगशालामा किर्गिस्तानसँग खेल्ने भएको हो ।  यो खेल साँझ साढे पाँच बजे हुने छ। 

सोही दिन पहिलो खेलमा म्यानमार र लेबनान भिड्ने छन् । त्यसको तीन दिनपछि नेपालले लेबनानसँग प्रतिस्पर्धा गर्नेछ । नेपालले अन्तिम खेल फागुन २३ गते खेल्नेछ ।

एन्फाका अनुसार लिगका शीर्ष दुई टोलीले फाइनल खेल्ने छन् ।  फाइनल खेल फागुन २६ गते हुनेछ । नेपालले खेल्ने सबै खेल यही समयमा हुने एन्फाले जनाएको छ । महिला प्रतियोगिता एएफसी एसियन कप २०२६ को छनोटको तयारीमा रहेको नेपालले प्रतिस्पर्धा गर्न लागेको हो ।