बालेनको प्रश्न: ईः अभियन्ता छलफलमा बोलाउदा आएनन्,के उनीहरूका नेतासँग वार्ता गर्नुपर्ने ?

Avenues

असोज ८, २०८० सोमबार

काठमाडौं महानगरपालिकाका प्रमुख बालेन्द्र शाह ‘ बालेन’ले अभियन्ता इशान श्रेष्ठ ‘ईः’ वार्तामा बोलाउन नआएको आरोप लगाएका छन । आज सामाजिक सञ्जालमा उनल ईःलगायतका अभियन्ता छलफलमा नआएको भन्दै के उनीहरूका नेतासँग वार्ता गर्नुपर्ने ? भनेर प्रश्न गरेका हुन । अभियन्ता ‘ईः’ काठमाडौं महानगर प्रमुख शाहले आफूलाई चुनावी वाचा सम्झाउन महानगरको कार्यालय राष्ट्रिय सभागृहअगाडि उभिएर प्रदर्शन गर्दै आएका छन । प्रमुख शाहले आफू नै ईः लगायतका अभियन्ता उभिइरहेको ठाउँमा गएको बताएका छन् । आफैं गएर वार्ता गरौं, यहाँहरूको कुरा र समस्या सुनौं भन्दा अभियन्ताहरू संवादमा बोलाउँदा आउन नखोलेको प्रमुख शाहको भनाइ छ । यता सामाजिक अभियन्ता ईः ले भने मेयर शाहले संवादका लागि कुनै पहल नगरेको दाबी गरेका छन् । शाहले सामाजिक सन्जालबाट लेखेवित्तिकै अभियन्ता ईः ले त्यसबारे प्रतिकार गरेका छन् । उनले प्रमुख आफैं नआएर केहीबेर अघिमात्रै नगर प्रहरी पठाएर आफूहरूलाई संवादमा आउन भनेको लेखेका छन् । हामीले कानुन विज्ञ, शहरी व्यवस्थापन विशेषज्ञ, र सडक व्यवसाय प्रतिनिधि साथीहरूलाई बोलाउन समय मागेपछि नगर प्रहरीले रिसाएर नगर प्रमुखले भेटदैनन भन्ने जवाफ दिएको अभिन्यताको भनाइ छ । शाहले चुनावअघि गरेको वाचा र सार्वजनिक प्रतिबद्धताविपरीत सहरको सबैभन्दा कमजोर र ’हुँदा खाने’ वर्गको गास खोस्ने काम गरेको भन्दै ईः उभिएर विरोध गरिरहेका छन् । काठमाडौंको मध्यम वर्गीय जमातमा आशा जगाएका शाहले निर्वाचित भएपछि नगर प्रहरीलाई लगाएर सडक र फुटपाथका साना व्यवसायीमाथि धरपकड गर्दै आएको विरोध ईःलगायतले गरिरहेका छन् ।