मकवानपुरमा स्कारपियो र कार आपसमा ठोक्किँदा ८ जना घाइते

हेटौँडा । मकवानपुरको मनहरी गाउँपालिका–६ डिपार्टस्थित पूर्व पश्चिम सडक खण्डमा शनिवार दिउँसो १ बजे स्कारपियो र कार आपसमा ठोक्किँदा ८ जना घाइते भएका हुन् ।

वीरगन्जबाट चितवनतर्फ जाँदै गरेको बागमती प्रदेश ०१–०२६ च ५२५० नम्बरको स्कारपियो र चितवन बाट हेटौँडातर्फ आउँदै गरेको बा १६ च ८३२४ नम्बरको कार एक आपसमा ठोक्किँदा दुर्घटना भएको जिल्ला प्रहरी कार्यालय मकवानपुरले जानकारी दिएको छ ।

दुर्घटनामा घाइते भएका ८ जना सबैको अवस्था गम्भीर रहेकोले उपचारको लागि चितवनतर्फ पठाएको प्रहरीले जनाएको छ ।