पूर्वराजा ज्ञानेन्द्र शाह आज अपरान्ह भक्तपुर जाँदै

पूर्वराजा ज्ञानेन्द्र शाह आज भक्तपुर जाने भएका छन । भक्तपुरस्थित तजेलु भवानी मन्दिरको दर्शन र स्थानीयसँग भेटघाटका लागि पूर्व राजा भक्तपुर जाने कार्यक्रम तय भएको हो । अपरान्ह भक्तपुर पुगेर पूर्व राजाले तलेजु भवानीसँगै भैरवनाथको दर्शन गर्ने पूर्वराजाका संवाद सचिव फणिराज पाठकले जानकारी दिए । सो क्रममा भक्तपुरमा स्थानीयले पूर्व राजाको भव्य स्वागत गर्ने तयारी गरेका छन । त्यसका लागि समिति समेत गठन गरिएको छ । भ्रमणका क्रममा पूर्वराजाले स्थानीयसँग अन्तरक्रिया समेत गर्ने बताइएको छ ।