महिला लिग फुटबलमा आज वालिङ र बागमती भिड्दै

काठमाडौं । राष्ट्रिय महिला लिग फुटबलमा आज (शुक्रबार) वालिङ नगरपालिका र बागमती युवा क्लबले प्रतिस्पर्धा गर्दैछन । 

खेल दिउँसो ३ बजे एन्फा मैदान सातदोबाटो ललितपुरमा हुनेछ । यस अघिका तीन खेलमा वालिङ र बागमती लगातार पराजित भएकाले जारी लिगमा दुबै टोली आज पहिलो जितको खोजीमा हुनेछ ।

प्रतियोगितामा लगातार तीन खेल जितेको सशस्त्र प्रहरीको एपिएफ टिम ९ अंक सहित शीर्ष स्थानमा रहेको छ । बिहीबारको खेलमा नेपाल पुलिस क्लबलाई ६–० ले पराजित गर्दै एपिएफ तालिकाको शीर्ष स्थानमा उक्लिएको हो । 

समान खेल बाट ७ अंक जोडेको आर्मी क्लब दोस्रो स्थानमा छ भने पुलिस क्लबको पनि सात अंक नैं छ ।