नेपाल क्रिकेट संघको अध्यक्ष चतरबहादुर चन्द निर्विरोध निर्वाचित, उपाध्यक्षमा रोशनकुमार सिंह र कोषाध्यक्षमा पदमबहादुर खड्का चयन

काठमाडौं । नेपाल क्रिकेट संघ क्यानको अध्यक्षमा चतुर बहादुर चन्द निर्विरोध निर्वाचित भएका छन् । आज भएको चुनावी साधारणसभामा अध्यक्ष पदका अर्का उम्मेदवार विनय राजभण्डारीले उम्मेदवारी फिर्ता लिएपछि चन्द दोस्रो कार्यकालका लागि निर्विरोध निर्वाचित भएका हुन् । उपाध्यक्षमा रोशन कुमार सिंह र कोषाध्यक्ष पदम बहादुर खड्का समेत निर्विरोध चयन भए । क्यानको शीर्ष चार मध्य अध्यक्ष, उपाध्यक्ष र कोषाध्यक्षमा सहमती जुटेको हो । सचिव र सदस्य पदमा भने निर्वाचन हुने भएको छ । सचिवमा पारस खड्का र प्रशान्त विक्रम मल्ल प्रतिस्पर्धामा छन् ।