सल्यानमा घरभित्र मृत भेटिए दिदी–बहिनी, घटना शंकास्पद

सल्यान । सल्यानको बनगाड कुपिण्डे नगरपालिका–११, सिस्नेपातलमा दिदी–बहिनी एउटै घरभित्र मृत भेटिएका छन् । बुधबार बिहान ३ वर्ष र ६ महिनाका दुई दिदीबहिनी मृत अवस्थामा भेटिएका हुन् ।

उनीहरूसँगै आमा पुर्णिमा राना पनि घरमै थिइन् । बुवा टेकमान राना भने रोजगारीका लागि नुवाकोटमा बस्छन् । मृत भेटिएकी दिदी–बहिनीको स्वास्थ्यमा पनि कुनै समस्या नभएकाले घटना शंकास्पद हुन सक्ने प्रहरीको भनाइ छ ।

घटना शंकास्पद देखिएको भएपनि अन्य विवरण खुल्न नसकेको सल्यान प्रहरीले जानकारी दिएको छ । ‘घटना शंकास्पद देखिन्छ । कहिँ न कसैले केही गरेको हुनपर्छ । कसरी घटना भयो भन्नेबारे हामी अनुसन्धानमै छौं,’ प्रहरीले भन्यो ।