अमेरिकाको लस एन्जलसको जंगलमा भिषण डढेलो

एजेन्सी । अमेरिकाको लस एन्जलसको जंगलमा भिषण डढेलो लागेको छ । 

२० एकड क्षेत्रफलमा शुुरु भएको आगलागी केही घण्टामै १२ सय एकडमा फैलिएको अमेरिकी सञ्चार माध्यमले जनाएका छन् । 

प्यासिफिक पालिसेड क्षेत्रका घर नजिकका क्षेत्रहरू बाट बाक्लो धुवाँ निस्किरहेको बताइएको छ । प्रभावित क्षेत्रमा बसोबास गर्ने मानिसहरु आफ्नो घर र सवारीसाधन छोडेर भागेका छन् ।  आगलागी भएका क्षेत्र बाट ३० हजार मानिसलाई बाहिर निकाल्न निर्देशन दिइएको छ । 

वनको आगलागी बाट १३ हजार भवन जोखिममा परेका छन । आगलागी सँगै क्यालिफोर्नियामा लाखौं मानिसहरूका लागि चेतावनी जारी गरिएको छ । आगो अझै फैलिने सम्भावना रहेको बताइएको छ ।