अमेरिकामा भीषण हिउँदे आँधीको चेतावनी,विभिन्न राज्यमा हिमपात र वर्षा

एजेन्सी । संयुक्त राज्य अमेरिकामा भीषण हिउँदे आँधी आउने पूर्वानुमानसँगै ६ करोडभन्दा बढी मानिसका लागि मौसमी चेतावनी जारी गरिएको छ।

सोमबार ओहायो उपत्यकादेखि मध्य एट्लान्टिकसम्म लाखौं अमेरिकीहरूले भारी हिमपात, बरफ र वर्षाको सामना गरिरहेका छन् । ३० राज्यमा मौसमसम्बन्धी चेतावनी जारी गरिएको नेशनल वेदर सर्भिस (एनडब्ल्यूएस)ले जनाएको छ।

ओहायोदेखि वाशिङ्टन डीसीसम्म १५ देखि ३० सेन्टिमिटरसम्म हिमपात हुने पूर्व  अनुमान गरिएको छ । सो क्षेत्रका व्यवसायहरू र सरकारी कार्यालयहरुले बन्दको घोषणा गरिरहेका छन् । जबकि पश्चिममा, धेरै राज्यहरूले पहिले नै खराब मौसमको सामना गरिरहेका छन् । 

 मिसौरीमा प्रमुख राजमार्गहरू बन्द गरिएपछि मानिसहरू अलपत्र परेका छन्। कैयन स्थानमा संकटकाल घोषणा गरिएको छ ।