माओवादीको केन्द्रीय कमिटीको बैठकमा पूर्व उपराष्ट्रपति पनि सहभागी

काठमाडौं। नेकपा माओवादी केन्द्रको केन्द्रीय कमिटीको बैठक आइतबारबाट शुरु भएको छ । 

बैठकमा  पूर्वउपराष्ट्रपति नन्दबहादुर पुन पासाङ पनि सहभागी भएका छन् । यसअघि स्थायी कमिटी बैठकमा पुगेका  केन्द्रीय कमिटी बैठकमा उपाध्यक्षका हैसियतमा पार्टी अध्यक्ष पुष्पकमल दाहाल प्रचण्डसँगै बसेका छन् ।
राजनीतिमा सक्रिय हुन खोजिरहेका नन्दबहादुर  पार्टीको काठमाडौंमा शुरु केन्द्रीय कमिटी बैठकमा सहभागी भएका हुन् । उनी अध्यक्ष प्रचण्डको छेउमा बसेका छन् ।

यद्यपि उनलाई पार्टीले जिम्मेवारी भने तोकिसकेको छैन । उनी सक्रिय राजनीतिमा फर्किन खोजिरहेका बेला त्यसलाई माओवादीले सहज बनाएको छ ।