एन्फा महिला लिग फुटबलमा आज त्रिभुवन आर्मी र नेपाल पुलिस भिड्दै

काठमाडौं । एन्फा महिला लिग फुटबलमा आज त्रिभुवन आर्मी क्लब र नेपाल पुलिस क्लब भिड्नेछन् । 

दिउँसो ३ बजे एन्फा मैदान हुने लिगमा दुबै टिमको यो दोस्रो खेल हो  । पहिलो खेलमा आर्मी क्लबले बागमती युथ क्लबलाई हराएको थियो भने पुलिसले वालिङ नगरपालिकालाई हराएको थियो । 

महिला लिग अन्तर्गत शनिबारको खेलमा सशस्त्र प्रहरी बलको एपीएफ फुटबल क्लबले बागमती युथ क्लबलाई ५–१ ले हराएको छ । एन्फा महिला लिगको पहिलो चरणपछि पाँच वटा शीर्ष टोली बीच दोस्रो चरणका खेलहरु भइरहेका छन् । 

एन्फा महिला लिगको सुरुवाती चरणमा १० वटा टोली सहभागी थिए । पाँच टोली सहभागि अन्तिम चरणमा कुल २४ खेल हुनेछन् । लिग चरणका २० खेलपछि शीर्ष ४ टोलीले प्लेअफमा स्थान बनाउनेछन् ।