पूर्वराजा शाहले असोज ७ गते भक्तपुरको तलेजु र भैरवनाथको दर्शन गर्ने, स्थानीयसँग अन्तरक्रिया पनि गर्ने कार्यक्रम

काठमाडौ । पूर्व राजा ज्ञानेन्द्र शाह आगामी आईतबार भक्तपुर जाने भएका छन । भक्तपुरस्थित तजेलु भवानी मन्दिरको दर्शन र स्थानीयसँग भेटघाटका लागि पूर्व राजा भक्तपुर जाने कार्यक्रम तय भएको हो । अपरान्ह भक्तपुर पुगेर पूर्व राजाले तलेजु भवानीसँगै भैरवनाथको पनि दर्शन गर्ने पूर्व राजाका सम्वाद सचिव फणिराज पाठकले जानकारी दिए । सो क्रममा भक्तपुरमा स्थानीयले पूर्व राजाको भव्य स्वागतको तयारी गरेका छन । त्यसका लागि समिति समेत गठन गरिएको छ । भ्रमणका क्रममा पूर्वराजाले स्थानीयसँग अन्र्तक्रिया समेत गर्ने बताइएको छ ।