भक्तपुरमा स्कुटर दुर्घटना हुँदा श्रीमानको मृत्यु, श्रीमती घाइते

काठमाडौं । भक्तपुरमा स्कुटर दुर्घटना हुँदा १ जनाको मृत्यु भएको छ, भने १ जना घाइते भएका छन् । दम्पती सवार उक्त स्कुटर दुर्घटनामा पर्दा श्रीमानको मृत्यु भएको छ, भने श्रीमती घाइते भएकी छन् ।

दुर्घटनामा परेका सानोथिमी बस्ने ३१ वर्षीय निश्चल प्रकाशराज भण्डारीको उपचारको क्रममा मृत्यु भएको हो । घाइते हुनेमा उनकी पत्नी २८ वर्षीया पूजा श्रेष्ठ रहेकी छिन् । स्कुटर पछाडि सवारी उनको नर्भिक अस्पतालमा उपचार भइरहेको छ ।

मध्यपुर थिमी–२ मा सानोथिमीबाट मगरगाउँतर्फ जाँदै गरेको बागमती प्रदेश–०२–०२८ प ६६१० नम्बरको स्कुटर आफैँ अनियन्त्रित भएर दुर्घटना भएको जिल्ला प्रहरी परिसर भक्तपुरले जानकारी दिएको छ ।