तीजका अवसरमा  लाख दर्शनार्थील पशुपतिमा पूजा आराधना गरे

नेपाली हिन्दु नारीको महान् पर्व तीजका अवसरमा पशुपतिनाथ मन्दिरमा करिब पाँच लाख दर्शनार्थीले दर्शन, एवं पूजा आराधना गरेका छन् । सोमबार साँझ ७ बजेसम्म करिब पाँच लाख भक्तजनले पशुपतिनाथ मन्दिरमा दर्शन गरेको कोषले जनाएको हो । पशुपति क्षेत्रमै आउने भक्तजन भने अझै बढी थिए। आएका धेरै भक्तजनले भने लाम बस्नुपर्ने भएकाले मूल मन्दिरभित्र प्रवेश नगरी परिसरबाटै गजुरको दर्शन गरेर फर्किएको कोषको भनाइ छ । पर्वका अवसरमा पशुपतिनाथ मन्दिरमा सोमबार बिहानैदेखि भक्तजनको घुइँचो लागेको थियो । पशुपतिनाथ मन्दिरमा यो वर्ष विगतभन्दा सहजरूपमा दर्शन गर्न पाएको भक्तजनले बताए। १५ वर्षपछि पशुपतिनाथको पूर्वी ढोका खोलेपछि भक्तजनलाई दर्शनमा सहज भएको पशुपति क्षेत्र विकास कोषले जनाएको छ ।।