जिल्ला न्यायाधीशको लिखित परीक्षामा एक जना मात्र पास

न्याय सेवा आयोगले २९ जना जिल्ला न्यायाधीशका लागि लिएको लिखित परीक्षामा जम्मा एक जना पास भएका छन् । आयोगले आज प्रकाशन गरेको सूचनामा अन्तर्वार्ताका लागि एक जना मात्र छनौट भएका छन् । आन्तरिक खुलातर्फका प्रतिस्पर्धी पारसमणि पोखरेलमात्र अन्तर्वार्ताका लागि छनौट भएको आयोगले जनाएको छ । उनलाई अन्तर्वार्ताका लागि सोमवार बोलाइएको छ । न्याय सेवा अयोगले साउन १६ देखि २० गतेसम्म जिल्ला न्यायाधीशका लागि आन्तरिक र खुला प्रतिस्पर्धा गराएको थियो । आन्तरिक खुला १५ सहित खुलातर्फ ७, महिला २, आदिवासी जनजाति २, मधेशी २ र दलित १ जनाको कोटामा लिइएको परीक्षामा जिल्ला न्यायाधीशका लागि एकजना मात्र पास भएका हुन् । परीक्षामा सबै समूहमा गरी २ सय ११ जना सहभागी थिए ।