कोरिया विमान दुर्घटना अपडेट : मृत्यु हुनेको संख्या ९६ पुग्यो

एजेन्सी । दक्षिण कोरियाको मुआन अन्तर्राष्ट्रिय विमानस्थलमा आज बिहान भएको विमान दुर्घटनामा मृत्यु हुनेको सङ्ख्या ९६ पुगेको छ । 

बैंकक बाट दक्षिण कोरिया फर्किरहेको जेजु एयरको विमान दुर्घटनामा दुई जनाको जिवितै उद्दार गरिएको छ । एक यात्रु र एक जना चालक दलका सदस्यलाई उद्धार गरिएको हो ।

अन्तर्राष्ट्रिय सञ्चार माध्यमका अनुसार विमानमा रहेका बाँकी चालक दलका सदस्य र यात्रु जिवितै भेटिने सम्भावना न्युन रहेको छ ।  १ सय ७५ यात्रु र ६ जना चालक दलका सदस्य सहित विमानमा १ सय ८१ जना सवार थिए । 

विमान मुआन अन्तर्राष्ट्रिय विमानस्थलमा अवतरण गर्ने क्रममा धावनमार्ग बाट चिप्लिएर बारमा ठोक्किएर दुर्घटना भएको हो । विमानको ल्यान्डिङ गियरमा खराबी आएको आशंका गरिए पनि केही प्रत्यक्षदर्शीले विमान चरा सँग ठोक्किएको देखेको बताएको समाचारमा उल्लेख छ । 

दुर्घटना भएको ४३ मिनेट पछि आगो नियन्त्रणमा लिइएको थियो ।