विनासकारी बाढीका कारण उत्तरपूर्वी लिबियामा ३८ हजारभन्दा बढी मानिस विस्थापित

काठमाडौ । भूमध्यसागरीय आँधी डेनियलका कारण आएको विनासकारी बाढीले उत्तरपूर्वी लिबियामा ३८ हजार ६ सयभन्दा बढी मानिस विस्थापित भएका छन् । बाढीले करिव ५ हजार घरमा क्षति पु¥याएको तथा खानेपानी, विद्युत र अत्यावश्यक सामग्री आपूर्तिमा पनि समस्या भएको बताइएको छ । प्रभावित क्षेत्रमा पिउने पानीको अभाव भएको जनाइएको छ । बाढीमा परी हालसम्म ५ हजार ५ सय जनाको मृत्यु भइसकेको छ भने १० हजारभन्दा बढी मानिस बेपत्ता भएका छन् ।