फाल्गुनन्द गोल्डकप : पहिलो सेमिफाइनलमा आज फिदिम स्पोर्टिङ र चर्च ब्वाइज खेल्दै

काठमाडौं । फाल्गुनन्द गोल्डकपको फाइनलमा पुग्न आज (शुक्रबार) चर्च ब्वाइज र आयोजक फिदिम स्पोर्टिङ क्लब बीच प्रतिस्पर्धा हुँदैछ । 

पाँचथरको फिदिममा दिउँसो साढे २ बजे खेल शुरु हुनेछ । चर्च ब्वाइज विराटनगर सिटी फुटबल क्लबलाई र फिदिम स्पोर्टिङ भारतको करसाङ फुटबल क्लबलाई हराएर सेमिफाइनलमा पुगेका हुन् । 

त्यस्तै अर्को सेमिफाइनलमा शनिबार काठमाडौंका एन.आर.टी. र मच्छिन्द्रले खेल्नेछन् । शनिबार देखि शुरू भएको प्रतियोगिताको फाइनल खेल पुस १५ गते हुनेछ । 

प्रतियोगिताको विजेताले १० लाख ५ सय ५५ रुपैयाँ तथा उपविजेताले ५ लाख ५ सय ५५ रुपैयाँ पुरस्कार प्राप्त गर्नेछन् ।