प्रधानमन्त्री दाहाल र चिनियाँ राजदूत सोङबीच भेटवार्ता, दाहालको आसन्न चीन भ्रमणका संभावित एजेण्डाबारे छलफल
काठमाडौ । प्रधानमन्त्री पुष्पकमल दाहाल र नेपालका लागि चिनियाँ राजदूत छन् सोङबीच भेटवार्ता भएको छ । प्रधानमन्त्री निवास बालुवाटारमा आज भएको भेटमा प्रधानमन्त्री दाहालको आसन्न चीन भ्रमण केन्द्रित छलफल भएको हो । चीन भ्रमणलाई लक्षित गरी राजदूत सोङले प्रधानमन्त्री दाहाललाई भेटेर सम्भावित एजेण्डाको विषयमा छलफल गरेका हुन । प्रधानमन्त्री दाहाल असोज ६ गते अमेरिकाको न्युयोर्कबाट चीनको हाङचाओ जाँदैछन् । एसियाली खेलकुद समारोहमा सहभागी भएर बेइजिङ गएपछि त्यहाँ प्रधानमन्त्रीले उच्चस्तरीय भेटवार्ता गर्नेछन् । भ्रमणका क्रममा चीनले सरकारमाथि बीआरआई परियोजना कार्यान्वयन गर्न दबाब दिदै आएको छ । बीआरआई परियोजना ऋण वा अनुदान हो भन्ने एकिन नभई हस्ताक्षर नगर्न सरकारलाई कुटनीतिज्ञहरुले सुझाव दिएका छन । आजको भेटमा पनि बीआरआई परियोजना अघि बढाउने विषयमा समेत प्रधानमन्त्री र चिनियाँ राजदूत सोङबीच कुराकानी भएको बुझिएको छ । भ्रमणका क्रममा काठमाडौं–केरुङ रेलमार्ग, चीन जोड्ने प्रसारणलाइन निर्माण, चीनतर्फका बन्द नाका खुलाउने तथा नेपालको कृषि र वनमा सहयोग सम्बन्धी सम्झौताको तयारी सरकारले गरेको छ ।
![अर्थ समितिको बैठक आज बस्दै](https://snowberry.prixacdn.net/media/gallery_folder/samsad%252520sachiwalaya_iRLKK3IqXA_lcu9xbovdjkq6g0aoqacazhppmwtyibv5athskmonma565qnqhmdfx9pkcfu_VYF1oM55c9_ti44qxmoylx2khhv94h3sgd34g55xtuzc082xcncpipzuwhbvzkzw0qc7rpu_n07INqBDIn_db5u4ofwmulqnct0pbcdiuwfjjmtj62o7zfxy1lygwbc7ycyqstwli0enylk.jpg)
अर्थ समितिको बैठक आज बस्दै
![पहिरोले कर्णाली राजमार्ग अवरुद्ध](https://snowberry.prixacdn.net/media/gallery_folder/pahiro_sdOHAp239K_fr1xzkr2q6bcvxzubl5wuq45gqj6ajm3rgbxgeqyqrpxohqopev1pa7svkhy_gexyqQtx1t_jq79i8tql1pks5zn4rymhh8jxqjrzzar1mlytrmxhbnymtx1nomps25vopzv_et3s250CM9_ntwaftxegn2giflitcyijrymlbxdybin8mnejmktmjyonultyjxnalpdtpex_OmVa8LDN3i_evz8ake0cszqazrtattdauc78ckmglnejcczzlavm0b6gegdc8ktsggivhla.jpg)
पहिरोले कर्णाली राजमार्ग अवरुद्ध
बाँकेमा झाडाबान्ताका कारण १ जनाको मृत्यु
![यस्तो छ आजको विनिमय दर](https://snowberry.prixacdn.net/media/gallery_folder/paisa_gIfk6sZ9Ed_ght2afcxjfjlhaakujccgocbogrc4f4leastkgy9yo3p5sxouaxx3zatpox5_7dfqcXVjc2_g3b0bmzysludwxxyxfow75pwdxfgzuhj4bemthzadxcaxyh7frmwxodkwar0_ow74LDNcs3_rzyp2bsv1ajfluwmrfewsifw9amffojfe5bat3o9tuiorwax8sw6ve5gber6_dgFkf0lgFH_q72srd7fxfx0eh4s5w2gq1ldieiijvkoqqphbhlvpjfu0wzkdv8mdg1nlj9w.jpg)
प्रतिक्रिया