टर्कीएमा बस दुर्घटना हुँदा २६ विद्यार्थी घाइते

एजेन्सी । उत्तरपश्चिम टर्कीएमा बुधबार बिहान भएको सवारी दुर्घटनामा कम्तीमा २६ विद्यार्थी घाइते भएका छन् ।

यसमध्ये आठ जनाको अवस्था गम्भीर रहेको राष्ट्रिय सार्वजनिक प्रसारक टीआरटीले जनाएको छ । बालिकेसिर प्रान्तको मर्केज पामुक्कु क्षेत्रमा २९ जना यात्रु बोकेको स्कूल बस ट्रकसँग ठोक्किएर पल्टिँदा दुर्घटना भएको हो ।

बालिकेसिरका गभर्नर इस्माइल उस्ताओग्लुले शुक्रबार भने, “सबै विद्यार्थीहरूलाई अस्पतालमा स्थानान्तरण गरिएको छ । थप अपडेटहरू उपलब्ध गराइनेछ ।”

एम्बुलेन्स, जेंडरमेरी, प्रहरी र दमकल सहित आपतकालीन सेवाहरू घटनास्थलमा पठाइएको छ ।