दीपेन्द्र सिंह ऐरी भन्छन् : खेलमा हारजित हुन्छ, स्वीकानुपर्छ

काठमाडौं । सुदूरपश्चिम रोयल्सका कप्तान दीपेन्द्र सिंह ऐरीले खेलमा हारजित हुने बताएका छन् ।

नेपाल प्रीमियर लिग (एनपीएल) क्रिकेट प्रतियोगितामा शनिबार भएको फाइनल खेलमा जनकपुरसँग सुदूरपश्चिम ५ विकेटले पराजित भएपछि प्रतिक्रिया दिने क्रममा ऐरीले खेलमा हारजित हुने र त्यसलाई स्वीकानुपर्ने बताएका हुन् ।

आफ्नो नेतृत्वमा सुदूरपश्चिमलाई फाइनलसम्म पुर्‍याएका दीपेन्द्रले टिम उपविजेता बनेपनि व्यक्तिगत उपलब्धि भने हात पारे ।

टिमले उपाधि जित्न नसकेपनि दीपेन्द्रले कप्तानी देखि ब्याटिङ बलिङ र फिल्डिङ तीन क्षेत्रमा उत्कृष्ट अलराउण्ड प्रदर्शन गरेका थिए ।