नेपालगञ्ज विमानस्थलबाट २६ लाख अवैध नगदसहित लेखा अधिकृत पक्राउ

बाँकेको नेपालगञ्ज विमानस्थलबाट २६ लाख रुपैयाँ नगदसहित सरकारी कर्मचारी पक्राउ परेका छन् । आन्तरिक राजस्व कार्यालय तुलसीपुर दाङमा कार्यरत अधिकृत खगेन्द्र सापकोटालाई २६ लाख रुपैयाँसहित बिहान पक्राउ गरिएको जिल्ला प्रहरी कार्यालय बाँकेले जनाएको छ । कार्यालयका दुई कर्मचारी अवैध रकमसहित काठमाडौं जाँदै गरेको अवस्थामा प्रहरीले एक जनालाई नियन्त्रणमा लिएको हो भने  अर्का अधिकृत दीपक पौडेल फरार छन् । उनको खोजी भइरहेको प्रहरीले जनाएको छ । पैसा राखिएको ब्याग विमानमै छाडेर भागेपछि प्रहरीले खानतलासी गर्दा सो ब्यागभित्र स्रोत नखुलेको २६ लाख रुपैँया बरामद् गरिएको छ । दुबै जना अबैध रकम सहित श्री एयरलायन्सको विमानवाट काठमाडौं आउन लागेका थिए । घटनाको अनुसन्धान भइरहेको प्रहरीले जनाएको छ ।