हिमालय एयरलाइन्सको काठमाडौं छिङ्डाआ सिधा उडान शुरु

हिमालय एयरलाइन्सले काठमाडौंबाट चीनको छिङ्डाओमा सिधा उडान शुरु गरेको छ । एयरलाइन्सले आईतवारदेखि त्रिभुवन अन्तर्राष्ट्रिय विमानस्थलबाट चीनको छिङ्डाओमा सिधा उडान शुरु गरेको हो । उडान शुरु गर्नु अघि आयोजित पत्रकार सम्मेलनमा संस्कृति, पर्यटन तथा नागरिक उड्डयनमन्त्री सुदन किराँतीले चीनको छिङ्डाओमा सिधा उडान शुरु हुनु खुशीको कुरा भएको बताए । उनले छिङ्डाओ विमानस्थल बिआरआई परियोजनाको भूमि भएको नाताले महत्वपूर्ण रहेको उल्लेख गरे । मन्त्री किराँतीले धेरै चिनियाँ नागरिकलाई पाहुनाको रुपमा नेपाल भित्र्याउन र ग्रामिण संस्कृतिको जरासम्म पु¥याउन सके नेपालको पर्यटन क्षेत्रमा नयाँ आयात थपिने पनि बताए । उनले चीनका विभिन्न शहरबाट पोखरा उडान गर्नका लागि पहल गर्न चिनियाँ राजदुत छन् सोङलाई आग्रह समेत गरे । 
मन्त्री किराँतीले काठमाडौं—पोखरा—चीनसम्म उडान गर्ने वातावरण मिलाउन सके नेपालमा पर्यटन क्षेत्रमा नयाँ आयाम थपिने बताए ।