बर्दियामा स्कुटर दुर्घटना हुँदा २ जनाको मृत्यु,दुई जना घाइते

काठमाडौं । बर्दियामा स्कुटर दुर्घटना हुँदा २ जनाको मृत्यु भएको छ । घटनामा परी अन्य दुई जना घाइते भएका छन् ।

आइतवार दिउसो गुलरिया नेपालगञ्ज सडक खण्ड अन्तर्गत बर्दिया अस्पताल नजिकै बा ६८ प ७०३६ नम्बरको स्कुटर  रोकिराखेको टयाक्टरमा ठोक्किएर दुर्घटना भएको हो ।

दुर्घटनामा परी सप्तरी घर भई बर्दिया गुलरियामा वस्दै आएका ३७ वर्षिय रामकुमार शाह , उनकी ६ वर्षिया छोरी विद्या शाहको मृत्यु भएको जिल्ला प्रहरी कार्यालय बर्दियाले जनाएको छ । दुर्घटनामा परी शाहकी श्रीमती रुबी शाह र छोरा प्रिन्स घाइते भएका छन ।