विराटनगरले चितवनलाई दियो १ सय ८२ रनको लक्ष्य

काठमाडौं । नेपाल प्रीमियर लिग (एनपीयल) क्रिकेट प्रतियोगितामा विराटनगर किङ्गसले चितवन राइनोजलाई १ सय ८२ रनको लक्ष्य दिएको छ ।

कीर्तिपुर स्थित त्रि.वि क्रिकेट मैदानमा टस जितेर पहिले ब्याटिङ गरेको विराटनगरले निर्धारित २० ओभरमा ५ विकेट गुमाएर १ सय ८१ रन बनायो ।

यसअघि टस हारेर पहिले बलिङको निम्तो पाएको चितवन विराटनगर विरुद्ध जवाफी ब्याटिङमा उत्रिएको छ ।जारी एनपिएलमा यो विराटनगरको छैठौँ खेल हो । यसअघिका पाँच खेलमध्ये विराटनगरले एक खेल जित्दा चार खेलमा हार ब्यहोरेको छ ।

यस्तै, चितवनको पनि यो छैठौँ खेल हो । चितवनले यसअघिका पाँच खेलमध्ये तीन खेल जितेको छभने दुई खेलमा पराजित भएको छ ।