फुटबलको प्रतिष्ठित वालेन डी ओर अवार्डको प्रारम्भिक सूचि सार्वजनिक

 

क्रिस्टियानो रोनाल्डो विश्व प्रतिष्ठित फुटबल अवार्ड वालेन डी ओरको प्रारम्भिक सूचीमा पर्न असफल भएका छन । आयोजक संस्थाले गएराति अवार्डका लागि प्रारम्भिक खेलाडीको सूची सार्वजनीक गर्दा रोनाल्डो नपरेका हुन् । सन् २००३ पछि पहिलो पटक रोनाल्डो प्रारम्भिक सूचीमा नपरेका हुन् । रोनाल्डो ५ पटक यस अवार्डका विजेता हुन् । उनी अहिले साउदी क्लब अल नासिरबाट ब्यवसायीक फुटबल खेलिरहेका छन् । लियोनल मेस्सी भने सुचिमा परेका छन ।  मेस्सी आठौं पटक वालोन डी ओर जित्न सक्ने सम्भावित खेलाडीको रुपमा हेरिएको छ । ३० खेलाडीको प्रारम्भिक सूचीमा म्यानचेस्टर सिटीका ७ खेलाडीले स्थान बनएका छन् । जसमा प्रिमियर लिग खेल्ने १२ खेलाडी समावेश छन् । म्यानचेस्टर सिटीलाई युरोपमा ट्रेबल उपाधि जिताएका कीर्तिमानी गोलकर्ता हालान्डदेखि केभिन डी ब्रुइन, रुबिन डायस, विश्व विजेता जुलियन अल्भारेज, बर्नान्डो सिल्भा, रोड्री र जोस्को ग्वार्डिओल सूचीमा परेका छन् । यसै सिजन बार्सिलोना गएका गुन्डोगन समेत प्रारम्भिक नामावलीमा अटाएका छन् । इङ्ल्याण्डको राष्ट्रिय टिमका ह्यारी केनदेखि जुड बेलिङ्घम र बुकायो साका समेत प्रारम्भिक सूचीमा परेका छन ।  विगत दुई वर्षदेखि महिला अवार्ड जित्दै आएकी बार्सिलोनाकी एलेक्सिया पुटेलास भने यस वर्ष मनोनयनमा परिनन् । चेल्सीकी साम केर र पीएसजीकी काडियाटो डियानीसहित बार्सिलोनाकी आइटाना बोनमाती महिला तर्फको मनोनयनमा परेका छन् । यो वर्षको बालोन डी’ओर अवार्ड अक्टोबर ३० मा प्रदान गरिने छ ।।