नेपाल प्रिमियर लिग : पोखरा विरुद्ध टस जितेर ब्याटिङ गर्दै विराटनगर

काडमाडौं नेपाल प्रिमियर लिग (एन.पी.एल.) क्रिकेटमा पोखरा एभेन्जर्स र विराटनगर किंग्स बीच खेल शुरु भएको छ ।

त्रि.वि. क्रिकेट मैदान कीर्तिपुरमा विराटनगरले टस जितेर ब्याटिङ रोजेको छ । अंक तालिकाको पुछारमा रहेका विराटनगर र पोखराले आज एन.पी.एल.को आफ्नो पाँचौं खेल खेल्दै छन् । दुवै टिमलाई प्लेअफको सम्भावना कायम राख्न जित्नै पर्ने दबाब छ । 

चार खेलमा मात्र एकमा जित हात पारेको कुशल भुर्तेलको टिम पोखरा दुई अंकका साथ तालिकाको सातौं स्थानमा छ । दुई अंक नै जोडेको विराटनगर तालिकाको सबै भन्दा पुछारमा छ । 

आजको दोस्रो खेलमा जनकपुर बोल्ट्सले काठमाडौं गुर्खाज सँग प्रतिस्पर्धा गर्दै छ । एन.पी.एल.मा अहिले सम्म १९ वटा खेल सम्पन्न भएका छन् । सुदूरपश्चिम रोयल्स पाँच खेलमा आठ  अङ्क सहित तालिकाको शीर्ष स्थानमा छ । 

जनकपुरले पनि पाँच खेलमा ८ अङ्क जोडे पनि नेट रन रेटका आधारमा दोस्रो स्थानमा छ  । काठमाडौं चार खेलमा चार अङ्क सहित तालिकाको पाँचौँ स्थानमा छ । समान चार खेल खेलेका पोखरा र विराटनगर एउटा खेलमा जीत र तीन वटामा हार बेहोरेर तालिकाको पुछारमा छ ।