जाजरकोटमा जीप दुर्घटना हुँदा १ शिशु सहित ५ जनाको मृत्यु

काठमाडौं । जाजरकोटको नलगाड नगरपालिका–३ को बाँस्कुटी उकालोमा जिप दुर्घटना हुँदा ५ जनाको मृत्यु भएको छ । 

दुर्घटनामा जीप चालक इन्द्रजित थापा, शारदा थापा, शिला पुन र लक्ष्मी पुनको घटनास्थलमै मृत्यु भएको हो । लक्ष्मी पुनको एक महिनाको छोराको पनि दुर्घटनामा ज्यान गएको छ । दुर्घटनामा जाजरकोट नलगाड नगरपालिका–३ करुवा बस्ने अन्दाजी १९ वर्षीय जनक थापा घाइते भएका छन् । उनको टाउको र अनुहारमा चोट लागेको छ । उनको अवस्था मध्यम रहेको प्रहरीले जनाएको छ । उनको नगर अस्पताल दल्ली जाजरकोटमा उपचार भइरहेको छ । 

यस्तै, अर्का घाइते नलगाड नगरपालिका–७ बस्ने २१ वर्षीय जिवन बिक नगर अस्पताल दल्लीमा सामान्य उपचार पश्चात डिस्चार्ज भएका प्रहरीले जनाएको छ । बुधबार राति ११ बजे जाजरकोटको नलगाड नगरपालिका–३ बिरखोला कैना–कड्के सडक खण्डको बाँस्कुटीको उकालो घुम्ती नजिक मा ग.३ च.९८४५ नम्बरको डबल क्याप बोलेरो जिप दुर्घटनामा परेको हो ।  

जिप एक्कासी ब्रेक फेल भई सडक बाट अन्दाजी ७ सय देखि ८ सय मिटर तल खसेर दुर्घटना भएको बताइएको छ ।