क्यालिफोर्नियाको जंगलमा भीषण आगलागी

एजेन्सी । अमेरिकाको क्यालिफोर्निया राज्यको सम्मृद्ध शहर मालिबु नजिकैको जंगलमा तीव्र गतिमा वन डढेलो फैलिएको छ । 

डढेलोका कारण ५ हजार बढी मानिस प्रभावित भएको बताइएको छ । यस क्षेत्रका धेरै विद्यालयहरु बन्द गरिएको छ । धेरै जसो क्षेत्रमा बिजुली काटिएको छ । डढेलोका कारण बस्तीहरुमा गम्भीर जोखिमको अवस्था आएको भन्दै तत्काल बस्तीहरु खाली गर्न आदेश दिइएको छ । 

अन्तर्राष्ट्रिय सञ्चार माध्यमका अनुसार डढेलोका कारण केही घरहरु जलेर नष्ट भएका छन्  । तर हाल सम्म कुनै मानवीय क्षति भने नभएको बताइएको छ । डढेलोले २ हजार ७ सय एकड भन्दा बढी क्षेत्रफल जलेर नष्ट भएको छ । 

क्यालिफोर्नियाको जंगलमा सोमबार राति झण्डै ११ बजेको आसपास आगलागी शुरु भएको हो ।  के कारणले आगलागी भयो अझै स्पष्ट हुन सकेको छैन ।