क्यानडामा डढेलो नियन्त्रण बाहिर, सरकारद्वारा आपतकालको घोषणा

क्यानडाका विभिन्न जंगलमा लागेको डढेलो नियन्त्रण बाहिर गएको छ । पश्चिमी प्रान्त ब्रिटिस कोलम्बिया र उत्तरपश्चिम क्षेत्रका जंगलहरूमा लागेको डढेलो नियन्त्रणबाहिर गएको हो । डढेलो नियन्त्रणमा नआएपछि सरकारले प्रभावित क्षेत्रमा आपतकाल घोषणा गरेको छ । प्रभावित क्षेत्रका हजारौं सर्वसाधारणलाई सुरक्षित स्थानमा सारिएको छ । थप ६५ हजार बढीलाई स्थानान्तरण गराउन आदेश दिइएको छ । डढेलो नियन्त्रणका लािग सयौं अग्नी नियन्त्रक र हेलिकप्टर परिचालन गरिएको छ । ब्रिटिस कोलम्बिया क्षेत्रमा हिउँददेखि नै खडेरी देखिएको छ । क्यानडाको उत्तरी क्षेत्रमा पनि पानी नपर्दा डढेलोको जोखिम बढेको छ । बिगत दुई सातादेखिको खडेरी र उच्च तापक्रमका कारण डढेलो लाग्ने क्रम बढेको हो । देशका २० भन्दा बढी जंगलमा डढेलो लागेको र त्यसबाट लाखौं हेक्टर क्षेत्रफलमा रहेको जंगल नष्ट भएको बताइएको छ ।