बर्दियामा अन्तराष्ट्रिय स्तरको ज्ञानमहायज्ञ गरिँदै, पूर्व राजा शाह पनि सहभागी हुने

बर्दिया । बारबर्दिया नगरपालिकाको जयनगरमा अवस्थित श्रीकृष्ण प्रणामी मन्दिर कोठारपुरको प्राङ्गणमा मंसिर २४ गते देखि ३० गते सम्म अन्तराष्ट्रिय स्तरको ज्ञानमहायज्ञ शुरु हुने भएको छ । 

श्रीकृष्ण प्रणामी सेवा समिति नेपालको आयोजनामा श्रीमत्तारतम सागर ब्रह्मवाणी १ सय २५ पाठपारायण तथा श्रीमद्भागवत धनधान्याचल सप्ताह ज्ञान महायज्ञ हुने भएको हो । मंसिर २४ गते देखि उद्घाटन हुने राष्ट्रिय स्तरको धार्मिक कार्यक्रममा २५ गते पूर्व राजा ज्ञानेन्द्र शाह समेत सहभागी हुने आयोजकले जानकारी दिएका छन् । 

२४ गते बाट संचालन हुने यज्ञमा ५० हजार धार्मिक व्यक्तित्वहरुको उपस्थिती रहने अपेक्षा छ । महायज्ञमा हजार भक्तालुहरुलाई दैनिक भोजनको व्यवस्था तथा २ हजार पाहुनालाई बसोबासका लागि आवास व्यवस्थापन गरिएको छ । 

धार्मीक यज्ञमा १ सय २५ जना बटुक बाट पाठ तथा सातौ दिन सम्म विविध गुरुहरु बाट धर्मशिक्षा,मानवीय संदेशप्रभाव हुने बताईएको छ । समितिले बारबर्दियाका २ विद्यालयका सम्पुर्ण विद्यार्थीहरुका लागि न्यानो कपडा र तराईका जिल्लाहरुमा शितलहर चल्ने भएकाले ५ सय ब्ल्याङकेट न्यून आय भएका ब्यक्तिहरुलाई प्रदान गर्ने कार्यक्रम समेत छ ।