उदयपुरमा आगलागी, ५ लाखको क्षति

उदयपुर ।  त्रियुगा नगरपालिका–११ स्थित हिमाली टोलको एक घरमा बुधबार मध्य राति आगलागी हुँदा ५ लाख बराबरको धनमाल जलेको छ ।
  
जिल्ला प्रहरी कार्यालयका अनुसार होमबहादुर दाहालको घरमा विद्युत् सर्ट भई आगालागी हुँदा लत्ताकपडा,सुनचाँदी लगायत ५ लाख बराबरका सामान नष्ट भएको हो । 

घरमा आगो लागेको जानकारी प्राप्त हुनासाथ नगरपालिकाको दमकल प्रयोग गरी आगो निभाइएको थियो । आगो निभाउन प्रहरी कर्मचारी र स्थानीय खटेका  थिए ।
 
रासस