नेपाल प्रिमियर लिग : आज सुदूरपश्चिम र विराटनगर तथा पोखरा र चितवन भिड्दै

काठमाडौं । नेपाल प्रिमियर लिग (एन.पि.एल.) अन्तर्गत आज(मंगलबार) दिनको पहिलो खेलमा सुदूरपश्चिम रोयल्स र विराटनगर किङ्स आमने सामने हुँदैछन् । 

खेल कीर्तिपुर स्थित त्रि.वि. क्रिकेट मैदानमा बिहान ९ बजे शुुरु हुनेछ । सुदूरपश्चिम प्रदेशको प्रतिनिधित्व गरिरहेको सुदूरपश्चिमको यो प्रतियोगिताकै पहिलो खेल हो । उता कोशी प्रदेशको प्रतिनिधित्व गरिरहेको विराटनगर आफ्नो दोस्रो खेल खेल्दैछ । 

दुवै पहिलो जितको लक्ष्यका साथ मैदान उत्रिनेछन् । विराटनगरले आफ्नो पहिलो खेलमा अंकतालिकाको शीर्ष स्थानमा रहेको जनकपुर बोल्ट्स विरुद्ध आठ विकेटको हार ब्यहोरेको थियो । 

आजै दिनको दोस्रो खेलमा चितवन राइनोजले पोखरा एभेन्जर्सको सामना गर्नेछ । खेल दिउँसो १ बजे शुरु हुनेछ ।