गौरिशंकर गााउँपालिका उपाध्यक्षमा एमाले उम्मेदवार विजयी

काठमाडौं । दोलखाको गौरीशंकर गाउँपालिका उपाध्यक्षमा नेकपा एमालेकी उम्मेदवार उमा लुङ्गेली मगर शेर्पा विजयी भएकी छन् ।

निकटतम प्रतिद्वन्द्वी माओवादीकी निमलेकी शेर्पालाई पछि पार्दै उनी विजयी भएकी हुन् ।

उपाध्यक्षमा नेकपा एमालेकी उम्मेदवार उमा लुङ्गेली मगर शेर्पा  २ हजार ८ सय ५ मतसहित विजयी भएकी हुन् ।

शेर्पाकी निकटतम् प्रतिस्पर्धी रहेकी माओवादी केन्द्रकी निम लेकी शेर्पाले २ हजार ६ सय मत ल्याइन् । तेस्रो स्थानमा रहेकी कांग्रेसकी पासदिकी शेर्पाले १ हजार ७ सय २७ मत ल्याएकी छिन् ।

आइतबार सम्पन्न उपाध्यक्ष पदको उपनिर्वाचनमा ७ हजार ५ सय ९० मत खसेको थियो । त्यसमध्ये ११० मत बदर भएको निर्वाचन आयोगले जनाएको छ ।

गौरीशंकर गाउँपालिकामा २०७९ को निर्वाचनमा कांग्रेस र माओवादीले गठबन्धन गरेका थिए ।