महोत्तरीको रामगोपालपुर नगरपालिकाको वडा नं २ मा मतदान जारी

महोत्तरी । महोत्तरीको रामगोपालपुर नगरपालिकाको वडा नं २ को वडा अध्यक्ष पदको लागि बिहानै बाट मतदान जारी छ ।  

निर्वाचनमा मतदाताहरूको उत्साहजनक सहभागि भएका छन् । एउटै मतदान स्थल रहेको श्री नेपाल राष्ट्रीय आधारभूत विद्यालय मोहनपुरमा दुइ मतदान स्थल राखिएको छ । यस वडामा कुल मतदाता २ हजार १ सय ४१ रहेकोमा महिला मतदाता ९ सय ४० र पुरुष मतदाता १ हजार २ सय १ रहेका छन् । 

मतदान स्थल र वरीपरी सुरक्षा व्यवस्था कडा पारिएको छ । महोत्तरीमा दलका सात र स्वतन्त्र ११ गरी १८ जना उमेदवार मैदानमा छन् । माओवादी केन्द्रले गत भदौमा दुर्घटनामा ज्यान गुमाएका मुकेशकुमार यादवकी पत्नी आइतीकुमारीलाई उम्मेदवार बनाएको छ । नेपाली कांग्रेसका मोहम्मद जनिफ खाँ, जनता समाजवादी पार्टीका सकिबुल खान यसपटक एमाले बाट वडाध्यक्षको उम्मेदवार बनेका छन् । 

राष्ट्रिय प्रजातन्त्र पार्टी, राष्ट्रिय स्वतन्त्र पार्टी  र राष्ट्रिय जनता पाटीबाट त्रमशः मोहम्मद मनान खान, र खुरसेद खान तथा राजेशकुमार यादव उमेदबार बनेका छन् । रामगोपालपुर २ मा हाल एक हजार २ सय १ पुरुष र ९ सय ४० महिला सहित २ हजार १ सय ४१ मतदाता कायम रहेका जिल्ला निर्वाचन कार्यालयले जनाएको छ ।