देशका विभिन्न ठाउँमा आगलागी हुँदा करिब १ करोडको क्षति

काठमाडौं । राजधानी काठमाडौं लगायत देशका विभिन्न ठाउँमा आगलागी हुँदा करिब १ करोडको क्षति भएको छ ।

काठमाडौंको कागेश्वरी मनोहरा नगरपालिका–७ अमरसिंह चोकस्थित कपुरकोट महादेब फर्निचर एण्ड फर्निसिङ पसल र किराँत एक्वारियमलगायत अन्य सहायक सामाग्री पसलमा गएराति आगलागी भएको छ । उक्त आलागीबाट करिब ७५ लाख क्षति भएको प्रहरीले जनाएको छ ।
 
यस्तै, सिन्धुलीको दुधौली नगरपालिका–९ दुधौली बजारस्थित वसन्त खड्काको सुनकोशी जनरल स्टोरमा आज बिहान आगलागी हुँदा पसल  जलेर  १५ लाखको क्षति भएको छ ।

यसैगरी, ओखलढुङ्गाको, मानेभन्ज्याङ गाउँपालिका–७ हर्कपुर बस्ने तेजप्रसाद गौतमको घरमा आगालगी हुँदा घर पूर्णरूपमा जलेर करिब ६ लाखको धनमाल नष्ट भएको केन्द्रीय प्रहरी समाचार कक्षले जनाएको छ ।